Son dönəmlərdə enişdə olan Belçika futbolunda dəyişikliklər davam edir.

"Football-plus.az" xəbər verir ki, tarixdə ilk dəfə Belçika Futbol Federasiyasının sədri vəzifəsinə xanım gətirilib. Söhbət Paskale van Dammdan gedir.

Bu xanım idarə heyətinin yekdil qərarı ilə bu vəzifəyə gətirilib. Van Damm 2021-ci ildən bu yana federasiyanın idarə heyətinin üzvü idi. O, daha öncə informatika sektorunda çalışmış və bir neçə beynəlxalq texnologiya şirkətlərində işləmişdi.

Qeyd edək ki, DÇ-2022-də qrup mərhələsi səddini aşa bilməyərək böyük bir fiasko yaşayan Belçika yığmasında məşqçi dəyişikliyi oldu. Roberto Martinesi Domeniko Tedesko əvəzlədi. Federasiyada da son aylar yaşanan istefalar diqqət çəkir. Əvvəlcə martda icraçı direktor Peter Bossaertin öz maaşını qeyri-qanuni şəkildə artırması barədə şaiyələr yayıldı. Araşdırma davam edərkən o, istefa vermək məcburiyyətində qaldı. Ötən ildən bu yana federasiyanın prezidenti vəzifəsini icra edən Pol van den Bulk isə təxminən 1 ay öncə istefa vermişdi. Belə ki, icraiyyə komitəsi onun fəaliyyətindən narazı qalaraq idarə heyətinə məktub göndərmişdi. Paskale van Damm yeni seçkilərə qədər prezident vəzifəsini icra edəcək.

ƏLİ