Tyerri Anri Belçika millisinin məşqçilər korpusundan ayrılıb. Onun belə addım atacağı gözlənilirdi.

Football-plus.az xəbər verir ki, bu məlumatı Belçika Kral Futbol Assosiasiyasının (BKFA) baş direktoru Peter Bossart yayıb:

“Biz bu məsələni Tyerri ilə müzakirə etdik. Çünki onun milli komandamıza nə qədər bağlı olduğunu və gələcəyini düşündüyünü nəzərə alaraq fikrinə dəyər veririk. Amma Anri məşqçilər korpusunda işləməyə davam etməyəcəyini bildirdi. Biz onun gördüyü işləri yüksək qiymətləndiririk”.

Anri 2021-ci ildən yığmanın sabiq baş məşqçisi Roberto Martinesin köməkçisi vəzifəsini yerinə yetirirdi. 45 yaşlı fransalı mütəxəssis daha əvvəl 2016-18-ci illərdə də eyni funksiyanı yerinə yetirmidi. DÇ-2018-də Belçika yığması ilə bürünc mükafat qazanan sabiq hücumçu baş məşqçi vəzifəsinə yenicə təyin olunan Domeniko Tedesko ilə birgə işləmək istəməyib. İtaliyalı mütəxəssisin köməkçisi funksiyasının Tomas Vermalenin yerinə yetirmək şansı çoxdu. BKFA onun namizədləyini dəstəkləyir.

Qeyd edək ki, Belçika AÇ-2024-ün seçmə mərhələsinin F qrupunda yarışacaq yığmamızın rəqibidi. Milli komandamız bu rəqiblə sentyabrın 9-da Bakıda, noyabrın 19-da isə Brüsseldə qarşılaşacaq.