19 mayda Azərbaycan Cüdo Federasiyası(ACF), Naxçıvan Muxtar Respublikası Gənclər və İdman Nazirliyi və Naxçıvan güləş Federasiyasının (NGF) təşkilatçılığı ilə 15 yaşa qədər kiçik yaşlı yeniyetmə oğlanlar və qızlar arasında Ümummilli Lider Heydər Əliyevin 100 illiyinə həsr olunmuş cüdo turniri keçirilib.

"Football-plus.az" xəbər verir ki, Şərur Olimpiya İdman Kompleksində baş tutan yarışda Naxçıvan Muxtar Respublikasını təmsil edən 94 idmançı medallar uğrunda mübarizə aparıb.

Yarışın əsas məqsədi yeniyetmələr arasında idman vasitəsi ilə sağlam həyat tərzinin formalaşdırılması, cüdoçuların yarış təcrübəsinin artırmaq və cüdonun kütləvi təbliğinə nail olmaqdı.