UEFA-nın Ermənistan yığmasına verdiyi cəzalar bəlli olub.

Bilindiyi kimi, bədnam qonşularımız martın 25-də İrəvanda AÇ-2024-ün seçmə mərhələsi çərçivəsində Türkiyə ilə üz-üzə gəlmişdilər. “Ay-ulduzlular” həmin oyunda Orkun Kökçü və Kərəm Aktürkoğlunun qolları ilə 2:1 üstün olmuş və seçmə mərhələyə qələbə ilə başlamışdılar. Gözlənildiyi kimi, gərgin ab-havada keçən oyundan öncə erməni futbolsevərlərin Türkiyənin himnini fitə basması diqqətdən qaçmamışdı.

"Football-plus.az" xəbər verir ki, UEFA-nın Nizam-İntizam Komitəsi Ermənistana 6 fərqli hadisəyə görə para cəzası verib.

Ermənilər himnin fitə basılmasına görə 10 min avro, tribunada təxribat xarakterli pankartlar açılması və şüarlar səsləndirilməsi üzündən 15 min avro, petard yandırılmasına görə 11,5 min avro, meydana yad əşyalar atılmasına görə 11,5 min avro, tribunadakı pilləkanlərdə fanatların əyləşməsinə görə 8 min avro, komandanın yolverilməz davranışına görə 6 min avro olmaqla ümumilikdə 62 min avro cərimə ödəyəcəklər.