“UEFA-nın qaydalarında cərimələr 100 avrodan 10 milyona kimi müəyyənləşdirilib. Hansısa qayda pozulubsa, bu aralıqda istənilən məbləğ təyin oluna bilər. Bu nədən asılıdı? Hadisənin ağırlığından, əməldən törəyən nəticələrdən və görülən tədbirlərdən. Mən İsveç yığmasının mühafizə xidmətinin bəyanatını oxudum. Orda az məbləğdə cərimənin səbəbləri aydın olur. Həmin şəxs açıqlamasında qeyd edir ki, təxribat planından əvvəlcədən xəbərdar olublar. Bu səbəbdən də bir qrup mühafizəçi ayırıb, stadionda yerləşdiriblər. Bundan əlavə, bayraq qalxandan 1 dəqiqə 3 saniyə sonra endiriblər. Bu təxribata yol verən şəxslər də arenadan uzaqlaşdırılıb. İsveçin mühafizə xidmətinin əməkdaşı bu prosesləri peşəkar səviyyədə etdiklərini düşünür. Bu səbəbdən də UEFA-nın tətbiq etdiyi cərimənin məbləği azdı. Bundan əlavə, onların hüquqşünasları əlavə məlumat istəyib. UEFA-nın istəklərinə uyğun tədbirlər görüblər. İndi qayıdaq bizə. Qaydalara əsasən, hər bir federasiya öz azarkeşlərinin əməllərinə görə məsuliyyət daşıyır. Bizim fanatlar isə iğtişaşlar törədib. Onların əməlinə uyğun da cərimə tətbiq ediblər. Bu qərarın sərt olduğunu düşünürüksə, şikayət verilə bilər. Mən mətbuatda oxudum ki, AFFA cəriməni ödəməyə razıdı. Yenə deyirəm, hüquqi baxımından qərardan şikayət etmək imkanımız var”.