Bakıda bədii gimnastika üzrə Avropa çempionatı keçirilir.

“Football-plus.az” xəbər verir ki, iki idmançımız fərdi proqramda çıxış edib. Zöhrə Ağamirova və İlona Zeynalova təsnifat mərhələsində halqa və topla bacarıqlarını nümayiş etdiriblər.

Zöhrə halqa ilə hərəkətlərdə 32.150, topla hərəkətlərdə isə 32.550 xal toplayıb. O, bu göstərici ilə hər ikisində finala yüksəlib.

İlona halqa ilə hərəkətlərdə hakimlərdən 23.900 xal alaraq 59-cu olub. Gimnast topla hərəkətlərdə isə 27.300 xal toplayıb və yekunda 35-ci yeri tutub.