“Öncəliklə vurğulamalıyam ki, yarışda təşkilatçılıq yüksək səviyyədə idi. Bütün qonaqlar bununla bağlı razılığını dilə gətirdi. Həmçinin bir çox dünya rekordlarının məhz Bakıda qeydə alınması çox vacib məsələdi.

Təmsilçilərimizə gəlincə, onların o qədər də uğursuz çıxış etdiklərini düşünmürəm. Medal olmasa da, qarışıq komanda yarışında Ruslan Lunyov - Nigar Nəsirova dueti 10-cu yeri tutdu. Bacaradıqlarını əsirgəmədilər və öz rekordlarını yenilədilər. Bu gənc komanda üçün böyük nəticədi. İnşallah, gənclər beynəlxalq arenada sözlərini deyə biləcək.

Federasiya tərəfindən idmançılar üçün bütün şərait yaradılır. Çatışmazlıq yoxdu. Qarşıda bizi Bakıda keçiriləcək dünya çempionatı gözləyir. İnanıram ki, çəkilən əziyyət bəhrəsini qısa zamanda verəcək”.