“Nou Kamp”da tezliklə yenidənqurma işlərinə start veriləcək.

"Football-plus.az" xəbər verir ki, “Barselona” ev oyunlarını keçirdiyi stadionun təmiri üçün təxminən 1 milyard avro xərcləyəcək.

Bu barədə klubun saytı məlumat yayıb. Kataloniya klubunun rəsmiləri vəsait toplamaq üçün sərmayədarlarla razılaşmağa nail olublar. Layihənin əsasını stadionun tutumunun artırılması və əvvəllər arenada olmayan dam örtüyünün quraşdırılması təşkil edir.

Həmçinin bütün tribunaların, tribunaaltı otaqların və yükdaşıyan konstruksiyaların yenidən qurulması və təmiri də nəzərdə tutulur.

“Barselona” rəhbərliyi stadionun yenidən qurulması başa çatandan sonra tanınmış musiqi platforması ilə promo-müqavilədən əldə olunan gəlirdən istifadə edərək krediti qaytarmağa başlayacaq.