Nəhayət, “Barselona” və “Spotify” bütün məsələlərdə razılığa gəlib.

Nəticədə klubla şirkəti arasında çoxdan gözlənilən sponsorluq müqaviləsi rəsmiləşib.

İspaniya klubunun mətbuat xidmətinin məlumatına görə, anlaşma iyuldan qüvvəyə minəcək və 4 il davam edəcək. Müqaviləyə əsasən, növbəti mövsümdən “Barselona”nın ev oyunlarını keçirdiyi “Nou Kamp” stadionu “Spotify Nou Kamp” adlanacaq.

Onu da qeyd edək ki, 1957-ci ildə tikilən və 99354 tamaşaçı tutumuna malik olan idman qurğusu təmirə bağlanacaq. Bu barədə “Barselona”nın prezidenti Xuan Laporta məlumat verib. Onun sözlərinə görə, bu səbəbdən komanda bir mövsümü başqa arenada keçirməli olacaq. Prezident onu da bildirib ki, “Barselona” böyük ehtimalla ev oyunlarını Montjuikedəki Olimpiya stadionunda keçirəcək. Klub buna görə 20 milyon avro icarə haqqı ödəyəcək: