“Barselona” rəhbərliyi maliyyə çətinliklərini aradan qaldırmaq üçün daha bir addım atıb: İspaniya klubu televiziya hüquqlarının bir hissəsini satıb.

Klubun rəsmi saytının məlumatında ABŞ-nin “Sixth Street Partners” sərmayə şirkətinin kataloniyalıların La Liqada televiziya mediası hüquqlarının 10 faizini aldığı bildirilib:

1 milyard avrodan çox borcu olan klub bir neçə ay əvvəl “Spotify” şirkəti ilə müqavilə bağlamışdı. Həmin sazişin şərtinə uyğun olaraq komandanın ev oyunlarını keçirdiyi “Kamp Nou” stadionunun adı dəyişdirilib. 99354 tamaşaçı yerlik Avropada ən böyük futbol arenası olan idman qurğusu bundan sonra rəsmən “Spotify Kamp Nou” adlanacaq. “Barselona” sponsorun köməyi ilə kifayət qədər vəsait əldə edəcək. İspaniya mənbələri hələ bir neçə ay əvvəl klubun bu sponsorluqdan təxminən 300 milyon avro qazanacağını xəbər vermişdi. İsveçin musiqi və striminq xidməti ilə müqavilə iyulun 1-dən qüvvəyə minib. Artıq stadionun fasadında “Spotify Kamp Nou” yazısı və arenanın mərkəzində klubun kişi və qadın komandalarının oyunçularından Pedri, Pyer-Emerik Obameyanq, Anssumane Fati, Mariya Leon, Aleksiya Putelyas və Aytana Bonmatinin şəkilləri diqqəti cəlb edir.