Braziliya millisinin sabiq hücumçusu Pelenin adı qeyri-adi şəkildə əbədiləşdirilib. Onun ismi “qeyri-adi” sözünün sinonimi kimi portuqal dilinin yenilənmiş lüğətinə daxil edilib.

"Football-plus.az" xəbər verir ki, bu barədə Braziliya Fondunun rəsmi “tvitter” səhifəsi məlumat yayıb.

Lüğət “Pele” sözünün bəzi istifadələrinə yer verib: “O, tennis dünyasında Peledi. O, Braziliya dramaturgiyasının Pelesidi”.

Xatırladaq ki, əfsanəvi futbolçu 2022-ci il dekabrın 29-da 82 yaşında xərçəng xəstəliyindən vəfat edib. Pele tarixə üç dəfə dünya çempionatının qızıl medalını (1958, 1962, 1970) qazanan yeganə futbolçu kimi düşüb. Braziliya yığmasının heyətində 92 oyun keçirib və 77 qol vurub. Pele klub karyerasının böyük hissəsini Braziliya “Santos”unda keçirib.