Serxio Busketsin “Barselona”dakı aqibətinə aydınlıq gəlib.

"Football-plus.az" xəbər verir ki, komandanın kapitanı klubu ilə müqaviləni yeniləyəcək.

“As” nəşrinin yaydığı xəbərə görə, 35 yaşlı yarımmüdafiəçinin bu qərarı verməsinə komandaya qayıdacağı gözlənilən Lionel Messi təsir edib. Buskets bir neçə gün əvvəl Messi və oyundaşı Xordi Alba ilə şam yeməyi zamanı onlarla məsləhətləşib. Lionel Serxionu komandada qalmalı olduğuna inandırıb. Buna görə də ispaniyalı yarımmüdafiəçinin “Barselona” ilə daha bir mövsümlük müqavilə bağlayacağı bildirilib.

Qeyd edək ki, Buskets klubun yetirməsidi və indiyədək yalnız göy-qırmızı formada çıxış edib. Onun adı bir neçə başqa klubla birgə hallanırdı.