Həmin müsahibədən sonra Qərb Regional Futbol Federasiyasının prezidenti, “Turan Tovuz”un idraçı direktoru Nadir Nəbiyevlə əlaqə saxlayıb məsələ ilə bağlı “Göyəzən”in prezidentinə necə dəstək verə biləcəyini soruşmuşduq. Nadir bəy qarşılığında Salmanovla əlaqə saxlayacağını, lazımi tədbirlər görəcəyini demişdi.
Görəsən, bu məsələnin sonu necə oldu? Suala cavab tapmaq üçün dünən Nadir Nəbiyevlə əlaqə saxlayıb Mehdi bəylə danışıb-danışmadığı ilə maraqlandıq:
“Ötən dəfə bildirdiyim kimi, “Göyəzən” nəinki Qərb regionunun, ölkənin tanınmış, tarixi ənənələri olan klubudu. Onun yubileyini qeyd etmək lazımdı, bu yöndə imkanımız daxilində əlimizdən gələni edəcəyik. Sizinlə danışandan sonra Mehdi Salmanovla əlaqə saxladım. Bəzi məsələlər barədə fikir mübadiləsi apardıq. Hazırda Mehdi müəllimin səhhətində müəyyən problemlər var. İnşallah, xəstəxanadan çıxandan sonra onunla bir daha görüşüb yubileyin keçirilməsi ilə bağlı danışacağıq. Çalışacağıq “Göyzən”in adına layiq yubiley tədbiri təşkil edək”.
RƏŞAD
