“Futbol+” qəzetinə geniş müsahibə verən “Göyəzən”nin prezidenti Mehdi Salmanov həmkarımın “başqa hansı arzunuz var” sualına "Göyəzən"in yaranmasının 45 illiyini keçirə bilməmişəm.

Ömür yetsə, sağlamlığım imkan versə, Qazaxın, "Neftçi"nin və digər veteran futbolçu dostlarımla birgə öz aramızda həm yoldaşlıq görüşü keçirmək, həm də komandamızın yubileyini qeyd etmək istəyirəm” cavabını verib.

Mehdi bəyin bu fikirləri adamın ürəyini dağlayır. SSRİ çempionatının ikinci dəstəsində mübarizə aparan, müstəqilliyin ilk illərində ölkə çempionatında çıxış edən, zəngin ənənələri olan klubun maliyyə çatışmazlığı səbəbindən yubileyini qeyd edə bilməməsi ölkə futbolu adına biabırçılıqdı. Tutaq ki, Salmanovun yubiley keçirməyə imanı yoxdu, bəs Qazaxın Gənclər və İdman İdarəsi, İcra Hakimiyyəti hara baxır? Niyə onlar bu məsələyə biganə qalır? “Göyəzən”in yubileyinə AFFA-nın etinasız yanaşması isə ayrı mövzudu. Bu gün futbol təsərrüfatına rəhbərlik edənlərin bəlkə də əksəriyyətinin “Göyəzən”in tarixindən xəbəri yoxdu. Assosiasiya rəsmiləri birdəfəlik anlamalıdılar ki, Azərbaycan futbolu təkcə Bakı klublarından ibarət deyil. Arada bölgələri də yada salmaq lazımdı. Bu məsələdə İsgəndər Cavadovun prezidenti olduğu Regional Futbol Federasiyaları İctimai Birliyini də qınamamaq olmur. Bu qurumun işi, görəsən, nədən ibarətdi? İsgəndər bəyin borcudu ki, qurumun adına uyğun bölgə klubları ilə maraqlansın.

Məsələ ilə bağlı “Göyəzən”nin təmsil olunduğu Qərb Regional Futbol Federasiyasının prezidenti Nadir Nəbiyevin fikirlərini öyrənməyi lazım bildik. Hər halda, Qərb regionunun futbol təssərüfatına nəzarət Nəbiyevə tapşırılıb. Nadir bəy “Football-plus.az” saytına açıqlamasında bunları söylədi: