Laportadan Messi müjdəsi

Lionel Messi yenidən “Barselona”nın formasında görünəcək.

"Football-plus.az" xəbər verir ki, bunu İspaniya klubunun prezidenti dilə gətirib.

Xuan Laporta azarkeşlərlə söhbəti zamanı PSJ-nin hücumçusunun tezliklə əvvəlki komandasına qayıdacağını bildirib. Klubun rəhbəri La Liqanın 29-cu turunun “Xetafe” ilə oyunundan (0:0) əvvəl tribunada azarkeşlərlə şəkil çəkdirib və onların suallarını cavablayıb. Azarkeşlərdən biri prezidentdən Messinin komandaya qayıdıb-qayıtmayacağını soruşub. Laporta dərhal “bəli” cavabını verib. Prezidentin fanatlarla ünsiyyətini əks etdirən video “Cadena Ser Carrusel Deportivo” radiostansiyasının sosial şəbəkələrində əksini tabıb.

Qeyd edək ki, Messi “Barselona”da 2004-21-ci illərdə oynayıb. Argentina millisinin kapitanının PSJ ilə müqaviləsinin müddəti cari mövsümün sonuna qədər nəzərdə tutulub.