AFFA nümayəndəsinin addımı “Şamaxı”nı təəccübləndirib - AÇIQLAMA
Misli premyer-liqasının 28-ci turunun "Şamaxı" - "Qarabağ" qarşılaşmasının startından bir neçə dəqiqə əvvəl meydan sahiblərinin azarkeşlərindən biri “AFFA, Azərbaycanın komandası Şamaxı! Dünya yığmalarına qarşı” pankartı açmışdı. Bunu görən AFFA nümayəndəsi Elman Musayev polisləri həmin azarkeşlərin yanına göndərməklə plakatın alınmasına göstəriş verdi və istəyinə nail oldu.
Plakatda siyasi mesaj, təhqir və bu kimi çağırış olmasa da, AFFA nümayəndəsi onun yığışdırılmasını üstün tutdu.
"Football-plus.az" olaraq bunun səbəbini aydınlaşdırmaq üçün "Şamaxı"nın mətbuat katibi Yusif Hüseynovla əlaqə saxladıq:
"Elman bəyin plakatla bağlı addımı bizə həm qəribə, həm də maraqlı gəldi. Çünki həmin plakatın üzərində söyüş, təhqir, təxribat, siyasi mesaj yox idi. Bunun səbəbini AFFA nümayəndəsindən soruşdum. Dedi ki, istənilən baner, plakat icazə almaqla açılmalıdı və bizə də belə göstəriş verilib. Elman bəyin bu açıqlamasından sonra müdaxilə edə bilmədik. Çünki oyun AFFA nümayəndəsinin təşkilatçılığıyla keçirilir. Buna rəğmən, etirazımızı bildirdik. Həmin plakatı qaldıran 60-70 yaşlı biri idi. Bu yaşda azarkeşi stadiondan, futboldan soyutmaq heç də yaxşı hal deyil".
ABDULLA İSMAYILOĞLU
Digər xəbərlər
