Misli premyer-liqasının 28-ci turunun son oyunu keçirilir.

"Football-plus.az" xəbər verir ki, "Sabah" "Qəbələ"ni qəbul edir. Görüşün 63-cü dəqiqəsində maraqlı hadisə baş verdi. Belə ki, qonaqların baş məşqçisi Elmar Baxşıyev və futbolçuları Əyyub Allaş və İsnik Alimi yaranmış fasilədən istifadə edərək oruclarını açdı. "Sabah"ın baş məşqçisi Murad Musayev vaxtın getdiyini bildirərək buna etiraz etdi. 3 dəqiqə sonra görüşün baş hakimi Cavid Cəlilov "Qəbələ"nin futbolçularının rahat iftar etməsinə şərait yaratdı. Lakin yenə "bayquşlar"ın çalışdırıcısı Murad Musayev buna irad bildirdi. Oyunun 4-cü hakimi İnqilab Məmmədov vaxta nəzarət etdiyini söyləyərək rusiyalı mütəxəssisi sakitləşdirdi.

Qeyd edək ki, hazırda davam edən qarşılaşmada "Qəbələ" öndədi - 2:1.

İLKİN SULTANLI