Bir neçə gün öncə paytaxtımıza gələrək “Qarabağ”la dostluq və xeyriyyə matçı keçirən “Qalatasaray” Bakıda gördüyü sevgidən, dəstəkdən sonra çoxdan üzərində düşündüyü bir layihəni həyata keçirmək üçün belə desək, qollarını çırmalayıb.

"Football-plus.az" xəbər verir ki, bilindiyi kimi, “Qalatasaray”ın 2:1 hesabı ilə qalib gəldiyi qarşılaşma rəsmi oyun statusu daşımasa da, Bakı Olimpiya Stadionuna 60 mindən çox azarkeş gəlmişdi. Oyunun gedişində “Qalatasaray”ın “Qarabağ”dan daha çox dəstək görməsi sosial şəbəkələrdə müzakirələrə səbəb olmuşdu. İstanbul nəhəngi isə bu oyunda yaşananların ardından Türkiyə Futbol Federasiyasına müraciət etməyə hazırlaşır. Belə ki, “Cim-Bom” türkdilli dövlətlərdən olan oyunçuların Türkiyə çempionatında yerli statusunda sayılmasını istəyir. Türkdilli dövlətlərə Azərbaycanla Türkiyədən başqa Qazaxıstan, Özbəkistan, Türkmənistan, Qırğızıstan və Şimali Kipr Türk Respublikası daxildi. “Qalatasaray”lı yönəticilər federasiyaya Braziliya ilə Porutqaliya arasındakı münasibətləri misal göstərmək niyyətindədi. Bu iki ölkə arasındakı özəl anlaşmaya əsasən onların vətəndaşları hər iki ölkədə viza almadan sərbəst şəkildə hərəkət etmək və işləmək hüququna malikdi. Bu güzəşt futbolçulara da aiddi. Braziliyalı futbolçular Portuqaliya çempionatında legioner sayılmır. Braziliya uzun illər Portuqaliyanın müstəmləkəsi olduğundan, bu iki ölkə arasında tarix, dil və mədəniyyət baxımından bənzərliklər var. Təsadüfi deyil ki, Braziliyadan sonra dünyada braziliyalı oyunçuların ən çox yer aldığı ölkə Portuqaliyadı.

“Qalatasaray”dan söz düşmüşkən, bir xəbəri də diqqətinizə çatdıraq. “Sarı-qırmızılar”ın sabiq baş məşqçisi İqor Tudor vətəni Xorvatiya mətbuatına diqqətçəkən açıqlama verib. Bilindiyi kimi, bu mütəxəssis 2017-ci ildə fevraldan dekabra qədər “Cim-Bom”u çalışdırmışdı. 2017/18-də məhz onun qurduğu komanda ilə sonradan Fatih Terim çempion olmuşdu. Son 5 ildə məşqçi kimi xeyli inkişaf edən və hazırda “Marsel”i çalışdıran 44 yaşlı Tudor “Qalatasaray”dakı günlərini xatırlayarkən maraqlı bir ifadə işlədib:

Tudorun bu sözlərini Okan Buruka atmaca kimi də qiymətləndirmək olar. Onların münasibətləri o qədər də yaxşı deyil. 2017-nin dekabrında Tudorun “Qalatasaray”ı Burukun çalışdırdığı “Akhisar Bələdiyəspor”u 4:2 yenərkən ikili arasında ciddi münaqişə yaşanmışdı. Buruk hətta oyundan sonra “bu qədər futboldan xəbərsiz bir insanın “Qalatasaray”ı çalışdırması utandırıcıdı” ifadəsini işlətmişdi.