Fransa millisinin yeni kapitanı müəyyənləşib.

"Football-plus.az" xəbər verir ki, bu statusa Kilian Mbappe layiq bilinib.

PSJ-nin 24 yaşlı hücumçusu baş məşqçi Didye Deşamın qərarı ilə yığmanın yeni kapitanı seçilib. Milli komandanın əvvəlki kapitanı Qətərdə keçirilən dünya çempionatından sonra beynəlxalq karyerasını başa vuran qapıçı Uqo Lyoris idi.

Mbappe kapitan sarğısı ilə ilk dəfə AÇ-2024-ün seçmə mərhələsi çərçivəsində martın 24-də keçiriləcək Niderlanda qarşı matçda çıxacaq. O, Fransa millisində 2017-ci ildən çıxış edir. Ötən müddət ərzində milli formada 66 oyuna çıxıb və 36 qol vurub.