Beynəlxalq Futbol Tarixi və Statistikası Federasiyası (BFTSF) bir təqvim ilində ən çox qol vuran müdafiəçilərin adını açıqlayıb.

"Football-plus.az" xəbər verir ki, siyahıda il ərzində 20 və daha artıq qol vuran arxa xətt oyunçuları yer alıb. XXI əsrdə bunu bacaran yeganə müdafiəçi hələ ki Ceyms Tavernierdi. “Reyncers”də çıxış edən ingiltərəli futbolçu ötən il hesabına 22 top yazıb.

Siyahıya argentinalı Daniel Passarella başçılıq edir. O, 1976-cı ildə rəqib qapılarına 27 dəfə yol tapıb. Aşağıdakı siyahıda futbolçuların adından sonra qol vurduğu il, ölkəsi, klubu və qol sayı göstərilib.

1. Daniel Passarella 1976 Argentina River Pleyt 27
2. Ronald Kuman 1987 Niderland PSV 26
3. Edqardo Bauza 1980 Argentina Rosario 23
4. Ceyms Tavernier 2022 İngiltərə Reyncers 22
5. Ronald Kuman 1989 Niderland PSV, Barselona 22
6. Ronald Kuman 1994 Niderland Barselona 21
7. Edqardo Bauza 1981 Argentina Rosario 21