"Məsələ ilə bağlı sorğu nəzərə alınıb. Qarşı tərəfdən də hadisəylə bağlı izahat alınacaq, obyektiv araşdırma aparılacaq".

"Ötən gün keçirilən “Şamaxı” - “Neftçi” oyunundan sonra polis əməkdaşının jurnalistlərin iş fəaliyyətinə mane olması ilə bağlı iddialar araşdırılıb. Məlum olub ki, həmin jurnalist azarkeşlərin hərəkət zolağında dayandığı üçün orda asayişi təmin edən polis əməkdaşı onunla profilaktik söhbət aparıb və digər iştirakçıların rahat hərəkət etməsi üçün daha münasib yerdə dayanmalı olduğu bildirilib".

"Hadisə barədə oyundan sonra, axşam saatlarında xəbər tutduq. Hazırda "Şamaxı" klubu olaraq, məsələylə bağlı tam dəqiqliyi ilə araşdırma aparırıq. Araşdırmanın nəticəsi kimi klub tərəfindən rəsmi açıqlama verəcəyik".

"Peşəkar Futbol Liqasına sizin qəzetin əməkdaşının da daxil olduğu 4 həmkarınız adından məktub ünvanlanandan sonra məsələni nəzarətə götürdük. AFFA nümayəndəsi, klub rəsmiləri ilə əlaqə saxladıq. Bilirsiz ki, oyunlarda təhlükəsizlik klub tərəfindən PFL-ə təqdim olunan zəmanət məktubu əsasında polis tərəfindən aparılır. Əlbəttə, stadiona gələn hər kəs kimi, jurnalistlərin də təhlükəsizliyi önəmlidi. Polis əməkdaşları bu yöndə həmişə xüsusi xidmət göstərirlər. Məlum oldu ki, sadəcə, anlaşılmazlıq yaşanıb. Sözsüz, belə halın yaşanmasını istəməzdik. Artıq əlaqədar şəxslərlə danışmışıq. İnanırıq ki, növbəti oyunlarda belə narahatlıq olmayacaq. Təkrarlanmaması üçün digər klublara da məlumat veriləcək. Sizə isə bölgələrdə oyunlara diqqət ayırdığınıza görə xüsusi təşəkkür edirik".