“Şamaxı” rəsmisi: “Oyunumuzu işıqlandırmaq üçün gələn jurnalistlərə...”
Misli premyer-liqasının 26-cı turunun "Şamaxı" - "Neftçi" oyunundan sonra xoşagəlməz hadisə baş verib.
Belə ki, hakimin final fitindən 3-4 dəqiqə sonra polis jurnalistlərin qanuni fəaliyyətinə yersiz müdaxilə və təzyiq ediib. "Football-plus.az" saytı olaraq olayla bağlı "Şamaxı"nın baş meneceri Kamran İsmayılovdan klubun mövqeyini öyrəndik.
"Şamaxı" klubu olaraq xoşagəlməz hadisəylə bağlı rəsmi mövqeyimizi bildirmişik və komandamızın sosial şəbəkələrdəki hesabında da paylaşmışıq. Şəxsi fikrimə gəlincə, sözsüz ki, hadisə heç xoş deyil. İstəməzdik bir də təkrarlansın. Oyunumuzu işıqlandırmaq üçün gələn jurnalistlərə, qonaqlara həmişə qayğı, ehtiram göstərilib. Bundan sonra da göstəriləcək. Odu ki, bir də belə bir olay baş verməyəcək".
ABDULLA İSMAYILOĞLU
Digər xəbərlər
