"Bu oyun hər iki komanda üçün vacib idi. Rəqib çempionluq uğrunda mübarizə aparır, biz isə gənc futbolçularımızı premyer-liqada saxlamaq üçün oynayırdıq. Çətin olacağını bilirdik. Onlara qarşı oynamaq həmişə çətin olub. "Sabah"ın keyfiyyətli oyunçuları var. Futbolçularımız hər şeyi yaxşı dərk edirdi, oyuna da yaxşı hazırlaşmışdıq. Onları təbrik edirəm. Layiqli qələbə qazandıq".

Football-plus.az xəbər verir ki, bu sözləri "Şamaxı"nın baş məşqçisi Vüqar Əsgərli Misli Premyer Liqasının 24-cü turunda "Sabah"a 2:1 hesabı ilə qalib gəldikləri oyundan sonra keçirilən mətbuat konfransında deyib.

O, hər matça üç xal üçün çıxdıqlarını bildirib:

"Təəssüf ki, buna qədər ardıcıl dörd oyunda uduzduq. Futbolumuzu göstəririk, amma bəzi epizodlarda diqqətsizlik xal qazanmağımıza mane olur. Biz istədiyimiz futbolu oynamağı bilirik. Vacib olan budur".