Gözlənildiyi kimi, Ektor Belyerin “Barselona”dan ayrılıb. O, karyerasını Portuqaliyada davam etdirəcək.

27 yaşlı müdafiəçi “Sportinq”ə keçib. İspaniyalı oyunçu ilə imzalanan müqavilənin müddəti bu mövsümün sonunadək nəzərdə tutulub. Belyerin Kataloniya klubunda 2022-ci ilin yayından çıxış edirdi. Amma ötən ilyarım ərzində komandada möhkəmlənə bilməmişdi. Cari mövsüm bütün turnirlərdə yalnız 7 oyuna çıxmaq imkanı qazanmışdı.

Ektor “Barselona” və “Arsenal”ın yetirməsidi. Peşəkar karyerasına “Arsenal”da başlayan futbolçu bu kluba 2012-22-ci illərdə məxsus olub. 2013/14 mövsümündə icarə qaydasında “Uotford”da, 2021/22 mövsümündə isə “Betis”də çıxış edib. Ektorun İspaniya yığmasında 4 oyun keçirdiyini də bildirək.