Xorvatiyada güləş üzrə "Zaqreb Open" turniri davam edir.

Football-plus.az xəbər verir ki, bu gün Azərbaycanın daha üç güləşçisi yarışda mübarizəyə başlayacaq.

Yunan-Roma güləşçilərindən Taleh Məmmədov (63 kq) 1/4 finalda Jakopo Sandron (İtaliya) - Şermuhammad Şaribjanov (Özbəkistan) cütünün qalibi ilə üz-üzə gələcək. Həsrət Cəfərov (67 kq) 1/8 finalda Luis Alberto Sançes (Kuba) - Sinq Karanjit (Hindistan) duelinin güclüsü ilə güləşəcək.

Qadınların yarışında Elnurə Məmmədova (53 kq) Li Denqlə (Çin) üz-üzə gələcək.

Qeyd edək ki, daha əvvəl sərbəst güləşçilərdən Əliabbas Rzazadə (57 kq) qızıl, Hacı Əliyev (70 kq) və Georgi Meşvildişvili (125 kq) gümüş, Cəbrayıl Qadjiyev (74 kq), Əli Rəhimzadə (65 kq), Xadjimurad Qadjiyev (70 kq), Osman Nurmaqomedov (92 kq), Maqomedxan Maqomedov (97 kq) bürünc medal əldə ediblər. Qadınlardan isə Alyona Kolesnik (59 kq) bürünc medala sahib çıxıb.