Srağagün MHL-də yalnız bir oyun keçirildi ki, o da maraqlı ssenari ilə yadda qaldı.

“Sietl”lə ev oyununun 43-cü dəqiqəsində 0:2 geri düşən “Vinnipeq” qalan vaxt ərzində 4 qol vurmaqla qələbə qazana bildi. Dünən isə daha üç oyun keçirildi. “Los-Anceles”in müdafiəçisi Dryu Dauti komandasının “Karolina”ya uduzduğu oyunda iki məhsuldar ötürmə ilə yadda qaldı. Beləcə 33 yaşlı kanadalı klub tarixinə 600 xal (135+465) xal toplayan ilk müdafiəçi kimi düşdü. O, “Kinqz” formasında 1066 oyun keçirib. Dauti klub tarixinin bombardirləri siyahısında 9-cu yerdə qərarlaşıb.