Əslən Təbriz şəhərindən olan, İran və Asiya futbolunun tanınmış siması Kərim Baqiri Xoy şəhərində baş vermiş güclü zəlzələdən zərər görən şəxslərə yardım məqsədi ilə elektron ianə hesabı açıb.

Football-plus.az xəbər verir ki, bu barədə "İranwire" nəşri məlumat yayıb.

Bildirilib ki, sabiq futbolçu həmvətənlərinə səslənərək hazırda küçədə gecələmək məcburiyyətində qalan xoylulara yardım üçün pul yığdığını açıqlayıb.
Lakin veteran futbolçunun bu elanından iki saat sonra onun bank hesabı İran hökuməti tərəfindən bloklanıb.

Maraqlıdır ki, baş verən hadisədən sonra bank xidmətindən heç kim Kərim Baqiri ilə əlaqə yaradaraq onun hesabının hansı səbəbdən bloklandığı barədə izahat belə verməyib.