MBA-nın dünəni Los-Anceles derbisi ilə əlamətdar oldu.

“Leykers” evdə “Klippers”ə uduzdu. Meydan sahiblərinin ulduzu Lebron Ceyms hamıdan çox – 46 xal topladı. O, bu oyunda üçxallıq atışların sayına görə şəxsi rekord müəyyənləşdirdi. Ulduz basketbolçunun 14 belə atışından 9-u səbətə düşdü. Lebronun indiyəqədərki ən yaxşı nəticəsi 8 belə atış idi – 2008/09, 2013/14 və 2021/22 mövsümlərində bunu bacarmışdı.

Lebronun 46 xalı bir başqa göstəriciyə görə də tarixə düşdü. 38 yaşlı ulduz MBA-da çıxış edən 30 komandanın hər biri ilə oyunda 40 xal toplamağı bacaran ilk basketbolçudu.