Vüqar Əsgərli “Şamaxı”nı gənclər üçün yeni çağırış sayır
“Şamaxı” indiyə kimi Antalyada iki yoxlama oyununda gücünü sınayıb.
Football-plus.az xəbər verir ki, ilk matçda Qazaxıstan “Kaysar”ı ilə qolsuz heç-heçə edən “şirlər” ikinci görüşdə Rumıniya “Botaşani”siylə münasibətləri aydlınlaşdırdı. Hava şəraiti üzündən hakim oyunu 67-ci dəqiqədə dayandırmaq məcburiyyətində qaldı. Həmin vaxt isə “Şamaxı” rəqibinə 0:1 hesabı ilə uduzurdu.
Komanda qış “transfer pəncərəsi”ndə bəzi futbolçuları heyətinə cəlb edib. Bunlar “Səbail”dən ayrılan Emin Zamanovla Emil Qasımovdu. Həmçinin “Kəpəz”dən ayrılan Zahir Mərdanov da hazırda “Şamaxı”nın düşərgəsindədi. Maraqlıdı, komanda keçirdiyi yoxlama oyunlarında necə çıxış edib? Baş məşqçi futbolçulardan, oyundan razı qalıb? Yeni transferlər, baxışda olanlar barədə məşqçilər korpusunun fikri necədi? Bu suallara cavab tapmaq üçün baş məşqçi Vüqar Əsgərli ilə əlaqə saxladıq:“Bildiyiniz kimi, hazırlığın ilk mərhələsi Bakıda keçirildi. Ordakı işimiz futbolçiların hazırlıq səviyyəsini oyun yükünə yaxınlaşdırmaq idi. Toplanışın ikinci hissəsi isə, bildiyiniz kimi, Antalyada keçirilir. Məqsəd komandanı çempionatın startına qədər oyun tonusunda saxlamaqdı. İlk oyun günündə 2 matç keçirməkdə məqsədimiz futbolçuların həm taktiki, həm də fiziki cəhətdən eyni yükü almalarını təmin etmək idi. Onların meydanda daha çox vaxt qazanması bizim üçün yaxşı material oldu. Çatışmayan cəhətlərini gördük və bunu aradan qaldırmaq fürsəti yaxaladıq. Bizim üçün hesabın o qədər də önəmi yox idi. Əsas odu ki, oyun planımızı qoruyub saxlayaq. Hava şəraiti bir az planlarımızı pozsa da, düşünürəm ki, bizim üçün uğurlu alındı. Növbəti qarşılaşmaya artıq çempionat oyununa hazırlıq planı kimi baxacağıq. Yeni oyunçulara gəlincə, həm Emin, həm Zahid, həm də onlarım simasında digər gənclər üçün “Şamaxı” yeni çağırışdı. Özlərini inkişaf etdirmək üçün yaxşı fürsət veriririk və inanıram ki, bundan istfadə edə biləcəklər. Yenə də axtarışdayıq. Klubun və bizim planlarımıza uyğun gələn futbolçuları daim izləyirik”.
ŞAİR ABDULLA
Digər xəbərlər
