Nurəhmədov MMA dünyasından ayrıldı
Mütləq Döyüş Çempionatının (UFC) yüngül çəkidə sabiq çempionu, rusiyalı Həbib Nurməhəmmədov MMA-dan (Qarışıq Döyüş Növləri) gedib.
Bu barədə TASS agentliyinə Həbibə yaxın üç mənbə məlumat verib:
“Həbib MMA sənayesini tərk edib. O artıq məşq keçməyəcək, təlim-məşq toplanışında komanda ilə birlikdə olmayacaq. Ailəsi ilə daha çox vaxt keçirmək üçün belə edir”.
Qeyd edək ki, 34 yaşlı Nurməhəmmədov 2020-ci ilin oktyabrında UFC-dən ayrılıb. Ümumilikdə onun qarışıq döyüş növlərində 29 qələbəsi var, məğlub olmayıb. Həbib son döyüşdə amerikalı Castin Qetjini boğucu fəndlə məğlub edib və döyüşdən sonra karyerasını bitirdiyini açıqlayıb. O, qərarını anasına verdiyi sözlə izah edib.
Digər xəbərlər
