Azər Məmmədov Rəşad Sadıqovdan halallıq alıb
Qış fasiləsi ərəfəsində "Zirə" də iki gözlənilməz ayrılıq baş tutdu.
Təmkin Xəlilzadə əsas komandaya lazım olmadısa, əvəzedicilərin baş məşqçisi Azər Məmmədov istefa verdi. Təcrübəli mütəxəssisin birinci division təmsilçisindən ayrılmasının səbəbini aydınlaşdırmaq üçün özü ilə əlaqə saxladıq:
"Zirə"in əvəzedicilərindən ayrılmağımın yeganə səbəbi premyer-liqada çalışmaq istəyimdi. Bir neçə gün öncə "Səbail"in “sükanı arxasına” keçən Şahin Diniyev köməkçisi olmağı təklif etdi. Mən də düşündükdən sonra müsbət cavab verdim. Rəşad Sadıqovla da oturduq, söhbət etdik. Məni başa düşdü, halallaşdıq".
Veteran futbolçu mövsümün əvvəlində adının "Kəpəz"lə hallanması və Gəncə təmsilçisinə keçməməsiylə bağlı isə bunları söylədi:
"Kəpəz"lə mənimlə yanaşı, bir çox mütəxəssisin adı hallanırdı. Amma ortada ciddi təklif yox idi".
Millimizin sabiq üzvü "Zirə-2"dəki fəaliyyətini belə qiymətləndirdi:
"Zirə-2" 1-ci divizionda ötən mövsüm ən gənc komanda idi. Uşaqlar oyundan-oyuna təcrübə topladılır. Hazırkı heyətdə yer alanların böyük əksəriyyəti, demək olar ki, ötən mövsüm komandada çıxış edən futbolçulardı. Onların çıxışından razı olsam da, hələ üzərlərində çox çalışmalıdılar. Bunun üçün "Zirə"də onlara lazımi şərait yaradılıb".
Azər bəyin Təmkin Xəlilzadənin əsas komadadan ayrılmasına münasibəti ilə belə oldu:
"Futbolçu daim bir yerdə çıxış etməlidi” deyə qanun yoxdu. Bu gün burdadı, sabah başqa yerdə. Təmkinin "Zirə"ni tərk etməsinin səbəbini deyə bilmərəm. Amma qeyd edim ki, Rəşad müəllim Təmkinlə İlkin cəzalandıraraq bizim komandaya göndərəndə onlar məşqlərə vaxtında gəlir, bütün tapşırıqlarımı can-başla yerinə yetirirdilər. Bizimlə 4 oyun keçirdilər və özlərini yaxşı tərəfdən göstərirdilər. Yəni hər iki futbolçudan razı qalmışam".
ABDULLA İSMAYILOĞLU
Digər xəbərlər
