Emin Cəbrayıl oğlu Mahmudov

Futbola “Saturn”un aşağı yaş qruplarında başlayıb.
2010 Saturn 21 (1)
2011-13 Spartak 13 (0)
2012 Tom (icarə) 8 (0)
2013 Krılya Sovetov (icarə) 12 (0)
2014-16 Krılya Sovetov 6 (0)
2015-16 Mordoviya (icarə) 18 (0)
2016-17 Boavişta 12 (1)
2017-indi Neftçi 170 (42)
Azərbaycan çempionatında 135 (31)
Ölkə kubokunda 14 (3)
Avrokuboklarda 21 (8)

2016-cı il sentyabrın 4-də debüt etditi Azərbaycan yığmasında 36 oyun keçirib, 9 qol vurub.
Rusiyanın U-18, U-19, U-20 və U-21 yığmalarında ümumilikdə 34 oyun keçirib, 9 qol vurub.

Uğurları
“Neftçi” ilə Azərbaycan çempionatının bürünc (2018), gümüş (2019, 2020, 2022) və qızıl (2021) medalçısı
“Spartak”la Rusiya çempionatının gümüş (2012) medalçısı
Rusiya U-21-i ilə “Birlik kuboku”nun qalibi (2012, 2013)

Karyerasından önəmli məqamlar
* 1992-ci il aprelin 27-də Saatlıda doğulub. Rusiya premyer-liqasında 2010-cu il aprelin 24-də “Dinamo” ilə oyunda debüt edib. İlk qolunu həmin il noyabrın 20-də “Anji”nin qapısına vurub.

* 2011-ci il yanvarın 15-də “Spartak”la müqavilə bağlayıb. Paytaxt klubunu seçməsini belə izah edib: “Uşaqlıqdan “Spartak” azarkeşiyəm. Sevimli futbolçum İlya Sımbalar “qırmızı-ağlar”ın heyətində oynayıb. Hələ onda “Spartak”ın futbolkasını geymək arzusu ilə yaşayırdım. Və budu, arzum çin oldu”.

* 2011-ci il yanvarın 18-də “Daçiya” ilə yoldaşlıq oyununda “Spartak”ın heyətində debüt edib. Həmin il martın 3-də - “Sibir”lə ölkə kubokunun 1/8 final oyununda rəsmi debütü baş tutub, bu oyunda məhsuldar ötürmə verib. 2011-ci il martın 14-də - “Rostov”la çempionat oyununda start heyətinə düşb.

* 2012-ci il fevralın 25-də “Tom”a icarəyə verilib, mövsüm bitəndən sonra “qırmızı-ağlar”ın düşərgəsində qayıdıb. 2013-cü il fevralın 14-də icarə əsasında “Krılya Sovetov”a keçib. 2014-cü il yanvarın 31-də Samara klubu Mahmudovun transfer hüququn yiyələnib.

* 2015/16 mövsümünün “transfer pəncərəsi”ndə icarə əsasında “Mordoviya”ya keçib. 2016-cı il iyulun 20-də “Boavişta” ilə müqavilə bağlayıb. Portuqaliya klubunun heyətində yalnız noyabrın sonunda – “Sportinq”lə oyunda debüt edib. Bir ay sonra isə Portuqaliya karyerasında ilk qolunu “Nasyonal”ın qapısından keçirib. “Boavişta” həmin oyunda 2:0 hesabıyla qalib gəlib.

* 2017-ci ilin sentyabrından “Neftçi”nin şərəfini qoruyur. 2020-ci ilin iyununda müqavilə müddətini daha üç il artırıb.

* Rusiyanın bütün aşağı yaş qruplarında forma geysə də, əsas yığma seçimində tarixi vətəninə üstünlük verib. 2016-cı il avqustun 5-də FİFA onun Azərbaycan yığmasında çıxış etməsi yolunda “yaşıl işıq yandırıb”. 2016-cı il sentyabrın 4-də - DÇ-2018-in seçmə mərhələsinin San Marino ilə oyununda ilk dəfə milli forma geyib.