Nəhayət, Kərim Benzema oktyabrın 17-də əsas arzularından birinə çatdı.

Football-plus.az xəbər verir ki, “Real”ın hücumçusu 34 yaşında “Qızıl top”a layiq görüldü.

“France Football” həftəliyinin bu dəfə 100 ölkədən olan jurnalistlər arasında keçirdiyi sorğunun nəticəsi heç kimdə şübhə doğurmadı. Ona görə ki, Benzema il ərzində dünya çempionatına qədər fantastik çıxışı ilə seçilmişdi. Təəssüf ki, zədəyə görə Qətərdə milli komandasına kömək edə bilmədi. Bir sıra maraqlı faktları da nəzərinizə çatdıraq. Benzema “Qızıl top”u qazanan 5-ci, Zinəddin Zidandan (1998) sonra isə ilk fransalıdı. Kərim son 66 ildə “Qızıl top”un ən yaşlı qalibidi.

Oktyabrın 17-də 34 yaş 290 günlüyündə olan fransalı bu planda yalnız 1956-cı ildə laureat adını qazanan ingiltərəli Stenli Mettyuzdan (41 yaş 321 gün) geri qalır.