Sənan Qurbanov: “Son dördlüyün içərisində favorit “Neftçi”ni görürəm”

“Bütün oyunları izləmək şansım oldu. Hamsını izlədim. Bütün matçlarda gərginlik və həyəcan var idi. Komandalardan gözlənilən o idi ki. hər biri adını yarımfinala yazdırmaq istəyir. “Qarabağ”la “Sabah”ın mübarizəni dayandırması sürpriz oldu. Onlar digərlərindəm fərqlənirdilər. Heyət və güc baxımından daha üstün idilər. “Qəbələ” oyun baxımından heç də ağdamlılardan geri qalmadı. O cümlədən “Səbail” də ilk matçda 3 qol vurmaqla kubokda öz iddiasını ortaya qoydu. İkinci oyunda da qələbə qazanaraq bunun təsadüf olmadığını göstərdilər. “Dənizçilər”in layiqli qələbə qazandığını demək olar. Qərb derbisi də maraqla qarşılanırdı. Ən həyəcanlısı isə məncə, “Neftçi” - “Zirə” görüşü idi. Hər iki komanda qalibiyyətə layiq idi. Meydanda taktiki döyüş var idi. Hər qarış uğrunda mübarizə gedirdi. “Neftçi” haqlı olaraq adını yarımfinala yazdırdı. “Sabah”la “Qarabağ”ın mübarizəni dayandırması digər komandalarda inam yaratdı. Son dördlüyün içərisində favorit “Neftçi”ni görürəm. Onlar kuboku qazanmaqda daha iddialıdı. Lakin ilk öncə “Turan Tovuz” səddini aşmalıdılar”.