"Kubok oyunları çempionat matçlarından fərqli ab-havada olur. Çünki burdakı məğlubiyyətin kompensasiyası olmur. Premyer-liqada ardıcıl 2-3 görüşdə uduzub növbəti qarşılaşmalarda qələbə qazanaraq bunun əvəzini çıxa bilərsən. Lakin kubokda məğlub olsan, mübarizəni dayandırırsan. Qərb derbisi azarkeşlər üçün xüsusi maraq kəsb edir. Bu gün son məşqimizi yekunlaşdırdıq. Oyuna tam hazırıq. Çalışacağıq ki, məşqçilərin tapşırıqlarını meydanda yerinə yetirək. Səfərdən sərfəli nəticə ilə dönmək istəyirik. İnanıram ki, hər zamankı kimi azarkeşlərimiz bizi layiqincə dəstəkləyəcək. Sabah stadionda gözəl ab-hava olacaq. Həm "Kəpəz"in tərəfdarları, həm də bizim fanatlarımız maraqlı atmosfer yaradacaq. Gözəl futbolla onları sevindirməyə çalışacağıq".