“Sabah”ın futbolçusu Kristian Sebalyos AFFA İntizam Komitəsi tərəfindən iki oyunluq cəzalandırılıb.

Football-plus.az xəbər verir ki, məlumatı PFL-in rəsmi saytı yayıb. Buna oyunçunun Misli premyer-liqasının 16-cı turunun “Sabah” – “Şamaxı” oyununda təcavüzkar davranışa görə birbaşa qırmızı vərəqə alması səbəb olub.

Sözügedən hərəkətə görə, klub isə 1600 manat cərimə edilib.

Həmin matçda “Şamaxı” komandasının oyunçusu Elçin Mustafayev də ciddi qayda pozuntusuna görə birbaşa qırmızı vərəqə aldığı üçün 2 oyun cəzalanıb. “Şamaxı” 1600 manat ziyana düşüb.

16-cı turun “Kəpəz” – “Sumqayıt” oyununda “Kəpəz” komandasının qapıçısının formasında qüsur olduğu üçün oyun vaxtında başlanmadığına görə klub 800 manat cərimələnib.

Sözügedən oyunda “Sumqayıt” komandasının oyunçusu Vüqar Mustafayev ikinci sarı vərəqə alaraq meydançadan qovulduğu üçün 1 oyun cəzalanıb. Klub isə buna görə 200 manat ödəməlidi.