Makqreqor xəstələnən Poryeyə söz atdı
Peşəkar boks dünyası ilə bağlı başqa maraqlı xəbərlər də var.
Football-plus.az xəbər verir ki, yüngül divizionda UFC reytinqinin ikincisi Dastin Porye (29-7) hazırda xəstəxanadadı – bakteriya mənşəli xəstəlikdən əziyyət çəkir. Onun orqanizmindəki virus infeksiyası antibiotiklərə tabe olmur. Porye özü də “tvitter” hesabında vəziyyətinin yaxşı olmadığını yazıb.
Yarımyüngül və yüngül çəkidə sabiq UFC çempionu Konor Makqreqor isə Poryenin belə vəziyyətində də sakit dayanmır və ona söz atır:
“Tezliklə sağal, köhnəlmiş tuman. Mən Amsterdayam, öküz kimiyəm. Səni yer üzündən siləcəm. Həmişəlik. Filmimi gözlə, dostum. Sənə və missisinə xoş gələcək”.
Xatırladaq ki, Makqreqor ötən il iyulun 10-da keçirilən döyüşün elə ilk raundunda Poryeyə texniki nokautla uduzub. Castin Qetjinin meneceri Əli Abdel-Əziz isə Makqreqora söz atıb:
“İstəyirəm ki, Qetji Konoru məhv etsin və əlil arabasına oturtsun. Buna çox məmnuniyyətlə baxardım. Fərqi yoxdu, Konor hansı çəkidə döyüşmək istəyir. O, ürəyi istəyən qədər steroid qəbul edə bilər, ancaq biz sərt döyüşlərə çıxmaq istəmədiyini bilirik. Konora asan döyüşlər lazımdı, çətin ki, Qetji ilə döyüşə razılıq verə”.
Makqreqor dəfələrlə gələn il oktaqona dönməyə hazır olduğunu bildirib. Belə atmacalar isə irlandiyalının dönüşünü bir qədər də tezləşdirə bilər.
Digər xəbərlər
