İrlandiyalı qarışıq döyüş növləri ustası Konor Makqreqor filmə çəkilə bilər.

Bu haqda xəbər yayan “Deadline” bildirir ki, idmançı hələ 1989-cu ildə ekranlara çıxan “Yol üstündəki ev” döyüş filminin remeykində rol alıb. Baş rolda Ceyk Cillenholun çəkildiyi filmin rejissoru Daq Laymandı. Makqreqorun hansı rolu oynayacağı bilinmir.

Bildiyiniz kimi, 34 yaşlı Makqreqor hazırda zədədən sonra bərpa dövrünü yaşayır. O, ötən il iyulun 10-da ABŞ-da keçirilən UFC 264 şousunda Dastin Porye ilə qarşılaşıb və elə ilk raundda texniki nokautla uduzub. Konorun MMA çərçivəsində keçirdiyi döyüşlərdə 22 qələbəsi və 6 məğlubiyyəti var. Yeri gəlmişkən, Makqreqor “tvitter” hesabında yaydığı son paylaşımla çoxlarını təəccübləndirib.

Onun “MMA, səni heç vaxt unutmayacam! İşiniz avand olsun” qeydini hətta karyerasına bitirməsinə işarə kimi yozanlar da var.