Azərbaycan şahmatçısı Şəhriyar Məmmədyarov bu gün Hindistanın Kəlküttə şəhərində təşkil olunan “Tata Steel İndia” rapid turnirində növbəti görüşlərini keçirəcək.

"Football-plus.az" xəbər verir ki, 37 yaşlı qrossmeyster 4-cü turda ABŞ-ı təmsil edən Hikaru Nakamura ilə, 5-ci və 6-cı turlarda isə müvafiq olaraq iranlı Parham Maqsudlu və hindistanlı Arcun Eriqaisi ilə üz-üzə gələcək.

Məmmədyarov əvvəlki üç görüşündə qələbə qazanıb və hazırda üç xalla 10 şahmatçı arasında liderdi.

Qeyd edək ki, qalibin 10 min ABŞ dolları qazanacağı turnirə dekabrın 1-də yekun vurulacaq.