Belçika yığmasının düşərgəsində olduqca gərgin bir ab-hava hökm sürür.

Əslində Kevin De Bruynenin Mərakeşlə oyundan öncə verdiyi açıqlamalardan da bunu başa düşmək olardı. Məhşur futbolçu çempion ola biləcəklərinə inanmadığını vurğulamış və artıq heyətdə yaşlı oyunçuların olduğuna işarə vurmuşdu. Bu sözlərin ardından Belçika Mərakeşə 0:2 hesabı ilə məğlub oldu və komandanın pley-off şansları azaldı. Belçika mətbuatının yazdığına inansaq, oyundan sonra liderlər arasında ciddi münaqişə yaşandı. Söhbət Yan Vertongen, Eden Azar və De Bruynedən gedir. Hətta deyilənə görə münaqişə o qədər ciddi olub ki, Lukaku başda olmaqla digər oyunçular araya qarışaraq onları ayırmalı oldular. Baş məşqçi Roberto Martines son açıqlamasında komanda daxilində problemlərin olduğunu gizlətməyib:

Deyilənə görə De Bruyne ''yaşlı oyunçularımız var'' deyərkən ilk növbədə mərkəz müdafiəçiləri – 33 yaşlı Yan Vertongen və 35 yaşlı Tobi Alderveyreldi nəzərdə tuturmuş. Vertongen buna cavab olaraq Mərakeşlə oyundan sonra ''deyə biləcəyim çox şey var. Amma bunu kamera qarşısında dilə gətirməməyə üstünlük verirəm. Məncə, irəlidə heç nə etmirik. Qol vəziyyətlərimiz çox az olur. Bəlkə də irəlidəki oyunçularımız artıq yaşlanıb'' açıqlamasını verdi. Bundan başqa məlum olub ki, De Bruyne ilə qapıçı Tibo Kurtua arasında illər öncə baş vermiş münaqişə hələ tam bitməyib. Onlar meydandan kənarda hələ də bir-biriləri ilə danışmırlar!

Xatırladaq ki, illər öncə De Bruynenin sevgilisi Karolina Liynen ona Kurtua ilə xəyanət etmişdi.