Bloger “Bakcell Arena”da üzləşdiyi problemdən danışdı
Premyer-liqanın 14-cü turunda “Neftçi” “Qəbələ”ni 2:0 hesabı ilə məğlub etdi. Oyunda başverənlər hamıya bəllidi.
Football-plus.az xəbər verir ki, “SportER” səhifəsinin admini Elmar Rza “feysbuk”da görüşlə bağlı maraqlı status yazıb. Bloger ona verilən akkreditasiya ilə “Bakcell Arena”ya buraxılmadığını iddia edib. Bu məsələ sosial şəbəkələrdə gьndəm oldu. Bəziləri şişirdiləsi heç nə olmadığını, digərləri isə klubun günahkar olduğunu dilə gətirdi.
Bəs əslində nə baş verib? Məsələylə bağlı fikirlərini öyrənmək üçün Elmar Rza ilə əlaqə saxladıq:
“Düzünü desəm, oyuna bir qədər gecikdim. Dostumla tıxaca düşmüşdüm. Hardasa 18.40-da arenadaydıq. Bloger akkreditasiyamla yaxınlaşdım girişə. Hansı ki, burdan jurnalistlər istifadə edir. Bizə dedilər ki, biletlə buraxılan girişdən keзməlisiz. Qaça-qaça onların dedikləri yerə getdik. Orda qəti şəkildə bildirdilər ki, bu vəsiqə ilə buraxıla bilməzsiz, ancaq bilet almalısız. Biz də məcburiyyətdən belə etdik. “İticket.az”a daxil olub bilet aldıq. Arenaya daxil olanda isə media sektorunda əyləşə bildik. Məsələ ilə bağlı “feysbuk”da status yazmışdım. Bu səbəbdən də PFL-in rəsmisi Sənan Abdullayev mənə yaxınlaşıb problemi həll edəcəyini sцylədi. Klub rəsmisi Rьstəm Allahverdiyev isə “feysbuk”dakı statusuma şərh yazmışdı. Onun yanaşması yanlış idi. Mən də orda öz iradımı bildirdim. Sonra məndən nцmrəmi istədi ki, məsələni həll etsin. Amma bunun böyüməsinin tərəfdarı olmadım. Mənim üçün bilet almaq da problem deyil. Qazaxda yaşayıram. “Turan Tovuz”un oyunlarına tez-tez gedirəm. Orda heç vəsiqəmdən istifadə etmirəm. Sadəcə, vəsiqəm ola-ola, girişdəki şəxslərin saymazyana davranması insan olaraq xoşuma gəlməmişdi”.
Bildiyiniz kimi, artıq Region Liqasının yeni mövsümünə start verilib. “Göyəzən” debütdə “Şəki”ni 5:2 hesabıyla məğlub etdi. Oyundan çox matç üçün hazırlanan afişa diqqətimizi çəkdi. Həmin fotonu da Elmar Rza paylaşmışdı. Elə bu səbəbdən də afişanı kimin hazırladığını və niyə belə qeyri-adi olduğunu ondan soruşduq:
“Oyundan цncə klub görüşün plakatlarını hazırlayıb şəhərin mьxtəlif yerlərinə yapışdırmışdı. Mən də bu şəkilləri bizim klubun fanklubu olan “Qurudlar”ın rəsmi “feysbuk” səhifəsində paylaşırdım. Bu şəkli dostum çəkmişdi. Mən də onun hesabından götürüb izləyicilərlə bölüşdüm. Afişa ancaq əllə yazılma deyil. Stadionun ətrafında komputerdə hazırlanan afişalar da var idi. Yəqin klubun imkanı yaxşı olmadığından şəhər mərkəzinə yaxın yerlərdə əllə hazırlanan afişalardan istifadə edirlər. Bizim komanda 3-4 ildi Region Liqasında çıxış edir. Həmişə belə afişalar paylaşıblar. Bu məsələnin niyə indi gьndəm olduğu mənə də maraqlıdı”.
İLKİN SULTANLI
Digər xəbərlər
