MHL-də son üç gündə keçirilən oyunlarda bəzi fərdi və komanda rekordları yaşandı.

“Pittsburq”un hücumçusu Yevgeni Malkin komandasının “Toronto”ya 4:2 qalib gəldiyi oyunda karyerasındakı qol sayını 450-yə çatdırdı. O, MHL tarixinə 450-yə çatan 4-cü rusiyalı kimi düşdü. Bildiyiniz kimi, bu mənada rekord Aleksandr Oveçkinə məxusdu (788). Onunla yanaşı, Sergey Fyodorov (483) və Aleksandr Mogilnı (473) da 450 qol həddini keçib. Xatırladaq ki, Malkinin MHL karyerası istisnasız “Pittsburq”la bağlıdı, 36 yaşlı forvard 2006-dan bəri bu komandanın formasını geyir.

“Filadelfiya”ya qalib gələn “Ottava” məğlubiyyət seriyasını 7-də dayandırdı, həminin cari mövsümdə ilk səfər qələbəsinə sevindi. “Nyu-Cersi” isə “Arizona”nı da məğlub etməklə qələbə seriyasını 9-a çatdırdı. Amma “Veqas”ın 9 oyunluq qələbə seriyasını dayandıran tapıldı. Bu komanda “Sent-Luis” oldu. “Los-Anceles” – “Detroyt” duelləri ilə bağlı da maraqlı statistika var. “Krallar” şəxsi duellərdəki qələbə seriyasını 6 oyuna çatdırdı – bu seriya 2019-cu il noyabrın 15-dən bəri davam edir.