Dünən La Liqanın 14-cü turu çərçivəsində ''Barselona'' ''Osasuna''nın qonağı oldu.

"Football-plus.az" xəbər verir ki, noyabrın 20-si start götürəcək dünya çempionatı ərəfəsində La Liqada sonuncu sayılan turda ''Barsa'' böyük çətinliklə də olsa, əzmkar qələbə qazandı. Qonaqların artıq 6-cı dəqiqədə hesabda geri düşdüyü qarşılaşmada bir sıra maraqlı hadisələr yaşandı. Məsələn, ''Barsa''nın əsas qol silahı Robert Levandovski 30-cu dəqiqədə ikinci sarı vərəqəni alaraq İspaniya karyerasında ilk dəfə meydandan qovuldu. Fasilədə isə adı iştirak ərizəsində olan, amma start heyətində olmayan Jerar Pike hakimlər briqadasına etirazını bildirmək qərarına gəldi.

Xatırladaq ki, məhşur müdafiəçi karyerasını ötən tur ''Almeriya''ya qarşı matçdan sonra bitirəcəyini açıqlamışdı. Amma Pike sonradan belə qərara gəldi ki, DÇ ərəfəsindəki son turda da adı iştirak ərizəsinə salınsın. 37 yaşlı futbolçunun peşəkar karyerasının son oyunu həqiqətən də yaddaqalan alındı. Belə ki, o, etirazlar üzündən qırmızı vərəqə aldı. Başqa sözlə desək, Pike futbolla qırmızı vərəqə ilə vidalaşdı! Bütün bu hadisələrə baxmayaraq ''Barsa'' ikinci hissədə Pedri və Rafinyanın qolları ilə qalib gəldi.