İspaniya çempionatında DÇ ilə bağlı yaranan fasiləyə lider qismində yollanan ''Barselona'' bu günlərdə pivə zavodunu ziyarət edib.

Söhbət Barselona şəhərində yerləşən və klubun sponsorlarından biri olan ''Estrella Damm'' şirkətinə məxsus zavoddan gedir. Ziyarətdə futbolçular və məşqçilər korpusu iştirak edib. Baş məşqçi Xavi Ernandes ''pivə süzməyi düzgün öyrənmək şansı əldə etdik'' açıqlamasını verib. Zavodda Kataloniya nəhəngindən gələn deleqasiyaya pivənin hazırlanma qaydasından və və bu işin incəliklərindən məlumat verilib. Bundan başqa oyunçular arasında pivəni kimin daha yaxşı süzdüyünü müəyyənləşdirmək üçün müsabiqə keçirilib. Maraqlıdı ki, bu müsabiqənin qalibi Robert Levandovski olub. Hər halda polşalı qoleadorun uzun illər Almaniyada oynaması öz sözünü deyib. Çünki Almaniyada pivə ən populyar içki sayılır.