"Qarabağ" dünya reytinqində 8 pillə irəlilədi

Beynəlxalq Futbol Tarixi və Statistikaları Federasiyası (IFFHS) klubların oktyabr ayı üçün reytinqini açıqlayıb.

"Footbal-plus.az" xəbər verir ki, reytinq IFFHS-in rəsmi saytında yayımlanıb. Siyahıda dünyanın 301 komandası yer alıb. Onların sırasında Azərbaycandan əvvəlkitək cəmi bir komanda - "Qarabağ" var. Ağdam təmsilçisi 8 pillə irəliləyərək 83-cü pilləyə yüksəlib. Qurban Qurbanovun komandası hesabında xalı 143,5-a artırıb.

Siyahıya Braziliya "Flamenqo"su (329 xal) başçılıq edir. "Liverpul" (İngiltərə) 311 xalla 2-ci, "Palmeyras" (Braziliya) 308 xalla 3-cü yeri tutur.