Azər Bağırov: “Adamı yandıran odu ki...”
Dünən 1-ci divizionda 8-ci tura yekun vurulub.
Diqqət çəkən matçlardan biri "Qəbələ-2" ilə "Araz Naxçıvan" arasında baş tutub. Qarşılaşma 1:1 hesabı ilə bitib və Muxtar Respublika təmsilçisi mövsümdə ilk xal itkisiylə üzləşib. Bununla bağlı baş məşqçi Azər Bağırovun fikrini öyrəndik. Gənc mütəxəssisin “Football-plus.az” saytına açıqlamasına keçid alaq:
"Qəbələ-2" ilə matçda çoxsaylı qol imkanlarımız olsa da, yararlana bilmədik. Adamı yandıran odu ki, uzatma dəqiqlərində qol buraxaraq qələbəni əldən verdik. Buna rəğmən, komandamın oyunundan razı qaldım. Yetirmələrim meydanda sona qədər döyüşür, potensialını ortaya qoymağa çalışır. Düşünürəm ki, bu oyun səhvlərimizi təhlil etmək üçün yaxşı imkanndı. Növbəti görüşlərdə səhvlər etməmək və qələbələr qazanmağa çalışacağıq".
ABDULLA İSMAYILOĞLU
