Çempionlar Liqasının qrup mərhələsində “Sportinq” “Ayntraxt”la oyuna ayrılan biletlərin hamısını sata bilməyib.

Football-plus.az xəbər verir ki, portuqaliyalı azarkeşlər 47595 biletin yalnız 39244-nə sahib çıxıblar.

Maraqlıdı ki, oyundan bir gün əvvəl bu rəqəm cəmi 31500 idi. Qısa müddətdə özləri üçün ayrılan 2500 bileti alan almaniyalı fanatlar isə ötən mövsüm “Barselona” ilə səfər matçında olduğu kimi, bu dəfə də boş qalan yerlərə sahib çıxmaq istəyiblər. Ancaq Lissabon klubunun rəhbərliyi həlledici oyunda rəqibə üstünlük qazandırmamaq üçün sahibsiz qalan biletlərin satışını reallaşdırmamaq qərarına gəlib.