Qvardiolanın DÇ-də favoriti bəlli oldu
''Mançester Siti''nin yeni transferlərindən olan Xulian Alvares baş məşqçi Xosep Qvardiola ilə bağlı maraqlı etiraf edib.
Football-plus.az xəbər verir ki, 22 yaşlı argentinalı forvard hələ ki, Erlinq Holannın kölgəsində qalıb. 16 rəsmi oyuna cəmi 4 dəfə fərqlənən Alvaresin sözündən belə məlum olur ki, Qvardiola qarşıdakı mundialın favoriti qismində Argentinanı görür:
''Siti''yə yenicə gəldiyim günlərdən birində paltardəyişmə otağında mundial ilə bağlı söhbət düşdü. Qvardiola, portuqaliyalılar və daha bir neçə futbolçu kimin dünya çempionu olacağını müzakirə edirdilər. Portuqaliyalılar öz yığmalarını favorit sayırdılar. Fransanın adını çəkənlər də oldu. Pep ən sonda ''bilirsiz kimin şansı daha çoxdu'' deyə soruşdu və əli ilə məni işarə etdi''.
Digər xəbərlər
