Qreven Muzeyində Fransa yığmasının sabiq oyunçusu Zinəddin Zidanın növbəti mum heykəlinin təqdimatı keçirilib. Tədbirdə səbəbkar və onun həyat yoldaşı iştirak edib.

Qreven Muzeyində Zidanın artıq 3-cü mum heykəli sərgilənib. Bu məkanda ilk belə heykəl 1999-cu ildə - “Stad de Frans”da keçirilən DÇ-1998-in final matçından bir il sonra, ikincisi isə 2009-cu ildə hazırlanıb. Həmin mundialın qəhrəmanı olan Zidan general Şarl de Qol və Böyük Britaniyanın sentyabrda vəfat edən sabiq kraliçası II Yelizaveta kimi üç və daha çox mum heykəli olan tarixi şəxsiyyətlərin sırasına qoşulub.

Əlbəttə, jurnalistlər ona futbola nə vaxt dönəcəyi ilə bağlı sual verməyə bilməzdilər. “Real”ın sabiq çalışdırıcısı tezliklə məşqçiliyə qayıdacağını deyib. 50 yaşlı mütəxəssis bu barədə qısa danışıb:

Xatırladaq ki, Zidan 2021-ci ilin iyununda “Real”dan ikinci dəfə ayrıldıqdan sonra heç bir klubun təklifini qəbul etməyib. Onun PSJ-nin bir neçə təklifini geri çevirdiyi dəqiqdi.