“Sərhədçi” Atçılıq Mərkəzinin açıq manejində konkur üzrə “Arzu kuboku” təşkil olunub.

“Football-plus.az” saytının məlumatına görə, E kateqoriyası üzrə 90 sm hündürlükdə yerləşən maneələrdən ibarət yarışda 20 yaşadək 15 idmançı mübarizə aparıb. Respublika Atçılıq və Müasir Beşnövçülük üzrə İxtisaslaşdırılmış Olimpiya Ehtiyatları Uşaq-Gənclər İdman Məktəbinin üzvü Murad Əlizadə “Light Limerick” ləqəbli atla birinci, onun komanda yoldaşı İlham Əlizadə “Sina” ləqəbli atla ikinci, “Elit Atçılıq” klubundan Məryəm Lütfəlibəyova “Valonka” ləqəbli atla üçüncü olub.

125-130 sm hündürlükdə yerləşən maneələrdən ibarət M kateqoriyalı yarışa 14 at qatılıb. “Buta Golden Atçılıq” klubundan Yeqor Morotski “Astrello” ləqəbli atla bütün rəqiblərini üstələyib. “Sərhədçi”nin üzvü Seyid Musayev “Ayla” ləqəbli atla 2-ci olubsa, “Cera 59” ləqəbli atla “Elit Atçılıq” klubundan Anar Hümbətov “üçlüy”ü qapayıb.

Qeyd edək ki, mükafatçılara diplom, medal və kubok verilib.